அமெரிக்காவில் 17 வயது சிறுமியை சுறா மீன் உயிரோடு விழுங்க பார்த்த நிலையில் அதனுடன் போராடி சிறுமியின் உயிரை அவர் தந்தை காப்பாற்றியுள்ளார்.
வடக்கு கரோலினா மாகாணத்தின் அட்லாண்டிக் கடற்கரைக்கு ஞாயிறு அன்று பெய்ஜ் விண்டர் (17) என்ற சிறுமி சென்ற நிலையில் கடலில் குளித்தார்.
அப்போது கடலில் இருந்த சுறா மீனின் தாக்குதலுக்கு உள்ளான பெய்ஜை காப்பாற்ற அவர் தந்தை போராடினார்.
சுறா மீனானது பெய்ஜை உயிருடன் விழுங்க பார்த்த நிலையில் அவர் தந்தை அதன் மூக்கில் ஐந்து முறை குத்தியுள்ளார்.
இதையடுத்து சுறாமீன் பெய்ஜை விட்டு சென்றது.
தந்தையின் துணிச்சலான செயலால் பெய்ஜ் உயிர் பிழைத்த போதிலும், அவர் தனது வலது கையில் சில விரல்களையும், முழங்காலுக்கு கீழே இடது காலையும் இழந்துள்ளார். இப்போது அவர் மருத்துவமனையில் குணமாகி வருகிறார்.
இதனிடையில் பெய்ஜின் மருத்துவ செலவுக்காக அவர் குடும்பத்தார் நிதி வசூல் செய்து வரும் நிலையில் தற்போது வரை £6,000க்கும் அதிகமாக பணம் கிடைத்துள்ளது.