டயட் என்றால் நாம் ஏதோ பெரிய கஷ்டமான விஷயம் என்று நினைத்துக் கொண்டிருக்கிறோம். ஆனால் உண்மையில் டயட் என்பதன் பொருள் என்னவென்றால் உணவுக் கட்டுப்பாட்டு முறை என்பது தான். இன்றைய காலகட்டத்தில் டயட்டுக்கா பஞ்சம்.
எக்கச்சக்க டயட்டுகள் இருக்கின்றன. அதிலும் எடையைக் குறைப்பதற்கென்று மிலிட்டரி டயட், பேலியோ டயட், கீட்டோ டயட் என எக்கச்சக்க டயட்டுகள் மக்களால் பின்பற்றப்பட்டு வருகின்றன. ஆனாலும் அவ்வளவு பெரிய ரிசல்ட் நிரந்தரமாகக் கிடைப்பதில்லை.
சிம்பிள் டீ
அப்படி சிலர் எல்லா டயட்டையும் ஃபாலோ பண்ணிட்டேன். ஆனா என் தொப்பை என்ன ஃபாலோ பண்ணிக்கிட்டே தான் இருக்கு என்று புலம்புபவர்கள் பலரையும் நாம் பார்த்திருப்போம். அவர்களுக்கு ஒரு சிறந்த தீர்வாகவாகவும் அவர்களால் நினைத்துப் பார்க்க முடியாத அளவுக்கு ஒரு மேஜிக்கல் மாற்றத்தை இந்த மட்டுமே ஏற்படுத்தும்.
உங்களுக்குப் பிடித்த எல்லாவற்றையும் சாப்பிடலாம். ஆனா இந்த டீயை மடடும் ஒரு நாளைக்கு 2 முதல் 3 முறை குடிங்க போதும். எப்பேர்ப்பட்ட பானை வயிறு ஒரே மாசத்துல குறைஞ்சு நீங்க சிக்குனு ஆயிடுவீங்க. இது சொந்த அனுபவத்துல சொல்றது. நம்பி இறங்குங்க.
கருஞ்சீரக டீ தயாரிப்பது எப்படி?
தேவையான பொருட்கள்
கருஞ்சீரகம் – 2
ஸ்பூன் புதினா – ஒரு கைப்பிடியளவு
இஞ்சி – 1 இஞ்ச் அளவு
தேன் – 2 ஸ்பூன்
செய்முறை
முதலில் ஒரு பாத்திரத்தில் அரை லிட்டர் அளவுக்கு தண்ணீர் ஊற்றி சூடுபடுத்த வேண்டும். தண்ணீர் சூடேறியதும் அதில் 2 ஸ்பூன் கருஞ்சீரகத்தைப் போட்டு நன்கு கொதிக்க வைக்க வேண்டும். அப்படி கொதித்துக் கொண்டிருக்கும் நேரத்தில் இஞ்சியைத் தோல் சீவி நன்கு நசுக்கி (தட்டி) அதில் போட வேண்டும்.
அதன்பின் அடுப்பை சிறு தீயில் குறைத்துக் கொண்டு, அதில் புதினா இலைகளையும் கொஞ்சம் ஒன்றிரண்டாக நசுக்கியோ கசக்கியோ அதில் போட்டு கொதிக்க விட வேண்டும். புதினா போட்டு இரண்டு நிமிடங்களில் அடுப்பை நிறுத்திவிட வேண்டும்.
இப்போது டீ பாதி தயாராகிவிட்டது. இதை வடிகட்டி வைத்துக் கொள்ளுங்கள். ஒரு டம்ளர் டீக்கு அரை எலுமிச்சை போதுமானதான இருக்கும். அரை எலுமிச்சையை பிழிந்து விட்டு அதில் ஒரு ஸ்பூன் தேன் விட்டு கலக்கி காலையில் வெறும் வயிற்றில் ஒரு கிளாஸ் குடியுங்கள்.
அதேபோல் மாலையோ இரவிலோ இன்னொரு கிளாஸ் குடிக்க வேண்டும்.
காலையிலேயே மொத்தமாகப் போட்டு வைத்துக் கொண்டு, குடிக்கிற பொழுது மட்டும் எலுமிச்சை மற்றும் தேன் சேர்த்துக் கொள்ளலாம். தவறில்லை.
முக்கியமான விஷயம் ஒன்று இருக்கிறது. இதை சூடாக மட்டும் தான் குடிக்க வேண்டும். அதனால் ஏற்கனவே போட்டு வைத்த டீயை குடிப்பதாக இருந்தால் ஒவ்வொரு முறையும் சூடுபடுத்திக் குடிக்க வேண்டும்.
நோ டீ, காபி
இந்த எடை குறைக்கும் பானத்தைக் குடிக்கும் காலங்களில் டீ, காபியை எக்காரணத்தைக் கொண்டும் குடிக்கக் கூடாது.
கருஞ்சீரகம் மிக அற்புதமான மூலிகை. தலைமுடி உதிர்தலைத் தடுப்பது முதல் சருமப் பிரச்சினை, உடல் எடை பராமரிப்பு, சிறுநீரகப் பிரச்சினை, இதயக் கோளாறுகளை சரி செய்வது, உயர் ரத்த அழுத்தத்தைக் கட்டுப்படுத்த என ஏராளமான நன்மைகள் இதில் கொட்டிக் கிடக்கின்றன. இதனுடைய நன்மைகளைப் புரிந்து கொண்டாலே ஒரே மாதத்தில் 6 முதல் எட்டு கிலோ வரை எளிதாக எடையை குறைத்து பத்தியம் இல்லாமல் பிடித்ததை சாப்பிட்டு சிக்கென்று இருக்க முடியும்.
