லிம்போமா என்று அழைக்கப்படும் கொழுப்புக் கட்டிகளை கரைக்க சிறந்த‌ ஓர் வழி!

சிலருக்கு உடலின் ஏதேனும் ஒரு பகுதியில் கொழுப்புக் கட்டிகள் இருக்கும். இதை லிபோமா என்று அழைப்பர். கொழுப்புத் திசுக்கள் சருமத்தின் உட்பகுதியில் வளர்ச்சி பெறுவதால் ஏற்படும் நிலை தான் இது. லிபோமாக்கள் புற்றுநோய் கட்டிகள் அல்ல மற்றும் அது புற்றுநோய் கட்டிகளாகவும் மாறாது. இது பெரும்பாலும் கழுத்து, தொடை, அக்குள், மேற்புற கைகள் போன்ற இடங்களில் தான் வரும். சிலருக்கு இந்த கட்டிகள் எந்த இடத்தில் வேண்டுமானாலும் வரும்.

இப்படி கொழுப்புத் திசுக்கட்டிகள் வளர்ச்சி பெறுவதற்கான காரணங்கள் இன்று வரை கண்டுபிடிக்கப்படவில்லை. மரபணுக்கள், உடல் பருமன் அல்லது அதிகப்படியான கொலஸ்ட்ரால் போன்றவற்றால் வர வாய்ப்புள்ளதாக கருதப்படுகிறது. முக்கியமாக இந்த கட்டிகள் எவ்வித வலியையும் தராது. அப்படியே வளர்ந்தாலும் மிகவும் மெதுவாகவே வளர்ச்சி பெறும்.

கொழுப்புத் திசுக்கட்டிகளைப் போக்குவது எப்படி?
இந்த கட்டிகளைப் போக்க அறுவை அல்லது லேசர் சிகிச்சைகளைத் தான் மருத்துவர்கள் பரிந்துரைப்பார்கள். இருப்பினும் இந்த சிகிச்சைகளால் மீண்டும் லிபோமா வராது என்ற உறுதியும் இல்லை. ஆனால் இப்பிரச்சனைக்கு இயற்கை வழி ஒன்று உள்ளது. இப்போது அதுக் குறித்து காண்போம்.

தேவையான பொருட்கள்:

மைதா
தேன்

செய்முறை:
தேன் மற்றும் மைதா மாவை சரிசம அளவில் எடுத்து ஒன்றாக கலந்து பேஸ்ட் செய்து, கட்டிகளின் மீது தடவி, ஒரு பேண்டேஜ்ஜை மேலே ஒட்டிக் கொண்டு, 36 மணிநேரம் கழித்து கழுவி, மீண்டும் புதிய கலவையைத் தடவ வேண்டும். இப்படி 8 நாட்களுக்கு செய்து வந்தால், கொழுப்புத் திசுக்கட்டிகள் கரைந்திருப்பதைக் காணலாம்.

எப்படி இது வேலை செய்கிறது?
தேன் மற்றும் மாவுக் கலவை வெளிக் காயங்கள் மற்றும் புண்களுக்கு நல்ல நிவாரணியாக இருக்கும். அதிலும் தேனில் உள்ள அழற்சி எதிர்ப்பு பண்புகள், கட்டிகளைக் கரையச் செய்து, அவ்விடத்தில் இரத்த ஓட்டத்தைத் தூண்டும்

குறிப்பு
உடலில் கொழுப்புக்கள் தேங்காமல் இருப்பதற்கு, தினமும் காலையில் எலுமிச்சை ஜூஸைக் குடியுங்கள். மேலும் கொழுப்புக்கள் நிறைந்த உணவுகளை அதிகம் உட்கொள்வதைத் தவிர்த்திடுங்கள்.

நீங்க குண்டா இருப்பதற்கு இந்த 6 வகையில் எந்த வகை கொழுப்பு காரணம் என்று தெரியுமா உங்களுக்கு!

கொழுப்பில் இரண்டு வகைகள் உண்டு. அதுதான் Low-density lipoproteins (LDL) மற்றும் High-density lipoproteins (HDL) அதில் LDL கொழுப்பு தீயது, HDL கொழுப்பு நல்லது.

நம் உடலில் உள்ள கொழுப்பை ஆறு பிரிவுகளாக பிரித்துள்ளனர். அவைகள் நம் உடலில் எங்கெங்கே சேமிப்பாகிறது, என்னென்ன பிரச்சனைகளை உண்டாக்குறது என்பதை பற்றி விளக்கமாக பார்க்கலாம்.

வெள்ளை கொழுப்பு

வெள்ளை நிறத்தில் உள்ள ஒயிட் ஃபேட் எனப்படும் வெள்ளை கொழுப்பு, Adipocytes என்று கூறப்படுகிறது. இது ரத்தத்தில் குறைந்த அடர்த்தி மற்றும் மிடோகோன்றியா (Mitochondria) போன்ற காரணங்களால் உண்டாகிறது.

இந்த வெள்ளை கொழுப்பு செல்கள், பசியை தூண்டும் லெப்டின் செல்களை தூண்டி, அடிக்கடி பசி உணர்வை ஏற்படுத்தி உடல் எடையை அதிகரிக்க செய்யும்.

பழுப்பு கொழுப்பு

பழுப்பு நிறத்தில் உள்ள பிரவுன் ஃபேட் எனப்படும் இந்த கொழுப்பு இது Mitochondria-யாவால் சூழப்பட்டது. இது நம் உடலில் எனர்ஜி சேமிப்பாகும் இயக்கத்தை தடுக்கும். இந்த கொழுப்பை கரைக்க தினமும் உடற்பயிற்சிகளை செய்தாலே போதும்.

பழுப்பு வெள்ளை கொழுப்பு

Beige Fat எனப்படும் இந்த பழுப்பு வெள்ளை கொழுப்பு, வெள்ளை கொழுப்பில் இருந்து பழுப்பு கொழுப்பாக மாறும் இடைப்பட்ட நிலையில் அமையும் கொழுப்பு வகையைச் சேர்ந்தது.

எசன்ஷியல் ஃபேட்

நாம் உயிர் வாழ மிகவும் அவசியமான கொழுப்பு தான் இந்த அத்தியாவசிய கொழுப்பு (எசன்ஷியல் ஃபேட்) ஆகும். இது உடலின் தட்பவெட்ப நிலையை ஒருநிலையில் வைத்து, விட்டமின் சத்துக்களை உள்வாங்கி, செல்களின் அமைப்பை செயல்படுத்த உதவுகிறது.

உள்ளுறுப்பு கொழுப்பு

உள்ளுறுப்பு கொழுப்பு நம் வயிற்றின் அடிப்பகுதி, கணையம், கல்லீரல் போன்ற பாகங்களை சுற்றி இருக்கும். நம் உடலில் இக்கொழுப்பு அதிகரித்தால் டைப் 2 நீரிழிவு, மார்பக புற்றுநோய் போன்ற நோய்கள் உண்டாகும். ஆனால் இந்த வகை கொழுப்பை தினசரி உடற்பயிற்சி செய்து வருவதன் மூலம் எளிதில் குறைக்கலாம்.

தோலுக்கு அடியே தேங்கும் கொழுப்பு

நமது உடலில் இருக்கும் 90% கொழுப்பு இந்த வகை தான் உள்ளது. இது உடல் எடையை அதிகரிக்க செய்கிறது. எனவே இந்த கொழுப்பை கரைக்க கார்ப்ஸ் உணவுகளை தவிர்த்து, அதிக உடற்பயிற்சியை மேற்கொள்ள வேண்டும்.