நாளைய தினம் கும்ப ராசிக்குள் நுழையும் புதனால் ஒரு மாதகாலம் பணமழையில் நனையப்போகும் ராசியினர் யார்!

0
523

நாளைய தினம் கும்ப ராசிக்குள் நுழையும் புதனால் ஒரு மாதகாலம் பணமழையில் நனையப்போகும் ராசியினர் யார்!

புதன் 2021 ஆம் ஆண்டு மார்ச் 11 ஆம் தேதி மதியம் 12:25 மணிக்கு கும்ப ராசிக்குள் நுழைந்து, அங்கு 31 மார்ச் வரை இருந்து, ஏப்ரல் 1 ஆம் தேதி அதிகாலை 12:33 மணிக்கு இடம் பெயர்கிறது.

இதனால் 12 ராசிக்காரர்களும் எந்த மாதிரியான பலன்களைப் பெறப் போகிறார்கள் என்பதை பற்றி தெரிந்து கொள்வோம்.

மேஷம்: மேஷ ராசியின் 3 மற்றும் 6 ஆவது வீட்டின் அதிபதியான புதன், 11 ஆவது வீட்டிற்கு செல்கிறார். இதனால் இந்த காலம் இந்த ராசிக்காரர்களுக்கு மிகவும் பயனுள்ளதாக இருக்கும். உங்களுக்கு பல வழிகளில் இருந்து வருமானம் கிட்டும்.

உங்கள் கடின உழைப்புக்கு ஏற்பட வெற்றி பெறுவீர்கள். உறவில் இருப்பவர்களுக்கு இக்காலம் சாதகமாக இருக்கும்.

உறவில் நுழைய நினைப்பவர்கள், தங்கள் வாழ்க்கையைத் துணையுடன் சேர்வதற்கு சரியான நேரமிது. இந்த காலத்தில் உங்களின் தகவல் தொடர்பு திறன்கள் மேம்படும்.

வேலை தொடர்பாக மேற்கொள்ளப்படும் குறுகிய பயணங்களும் பயனுள்ளதாக இருக்கும்.

போட்டித் தேர்வுகளுக்கு தயாராகும் மாணவர்களுக்கு இக்காலம் அற்புதமான காலம். ஆரோக்கியத்தைப் பொறுத்தவரை, உணவுப் பழக்கத்தைக் கவனியுங்கள் மற்றும் உடற்பயிற்சியை வழக்கமாக கொண்டிருங்கள்.

ரிஷபம்: ரிஷப ராசியின் 2 மற்றும் 5 ஆவது வீட்டின் அதிபதியான புதன், 10 ஆவது வீட்டிற்கு செல்கிறார். இதனால் இந்த காலத்தில் ரிஷப ராசிக்காரர்கள் வாழ்வில் வளர்ச்சியையும் வெற்றியையும் காண்பார்கள்.

பணியிடத்தில் ஏற்படும் எந்த மாற்றமும் உங்களுக்கு நல்ல லாபத்தைக் கொடுப்பதாக இருக்கும். பண விஷயங்கள் மற்றும் முதலீடுகளின் அடிப்படையில் இந்த காலம் உங்களுக்கு மிகவும் சாதகமாக மாறும். இந்த காலகட்டத்தில் செய்யப்படும் முதலீடு உங்களுக்கு பயனளிக்கும்.

தனிப்பட்ட வாழ்க்கையைப் பொறுத்தவரை, குடும்பத்தினருடனான உங்கள் உறவுகள் இனிமையாக இருக்கும், ஏனெனில் நீங்கள் அனைவரையும் மகிழ்ச்சியாக வைத்திருப்பீர்கள். உங்கள் தந்தையின் உறவும் சிறப்பாக இருக்கும். மேலும் இந்த காலகட்டத்தில் உங்கள் பெற்றோரிடமிருந்து பண உதவி வரும்.

மிதுனம்: மிதுன ராசியின் 4 ஆவது வீட்டின் அதிபதியான புதன், 9 ஆவது வீட்டிற்கு செல்கிறார். இதனால் இந்த காலத்தில் நீங்கள் மிகவும் நேர்மறையாகவும், நம்பிக்கையுடனும் இருப்பீர்கள். இது உங்களின் உடல் ஆரோக்கியத்தை பிரதிபலிக்கும்.

இக்காலத்தில் ஆன்மீகத்தில் அதிகம் ஈடுபட வாய்ப்புள்ளது. தொழில் ரீதியாக இக்காலம் மிகவும் மென்மையாக இருக்கும்.

மேலும் நீங்கள் சந்திக்கும் முரண்பாடுகள் அனைத்தையும் கட்டுப்படுத்துவீர்கள். வேலை சம்பந்தமான பயணம் பயனுள்ளதாக இருக்கும்.

உங்கள் நம்பிக்கை உயரும், மேலும் உங்கள் கருத்துக்களையும் பரிந்துரைகளையும் உங்கள் பணியிடத்தில் சிறந்த முறையில் வெளிப்படுத்துவதன் மூலம் மற்றவர்களை ஈர்ப்பீர்கள்.

இறக்குமதி மற்றும் ஏற்றுமதி மற்றும் வெளிநாட்டு திட்டங்களுடன் தொடர்புடைய நபர்கள் இந்த காலகட்டத்தில் வெற்றியைப் பெற வாய்ப்புள்ளது. தனிப்பட்ட வாழ்க்கையைப் பொறுத்தவரை, வீட்டில் அனைவருடனுமான உறவுகளை வளர்த்துக் கொள்ள விரும்புவீர்கள்.

கடகம்: கடக ராசியின் 3 மற்றும் 12 அவது வீட்டின் அதிபதியான புதன், 8 ஆவது வீட்டிற்கு செல்கிறார். இதனால் இக்காலத்தில் இந்த ராசிக்காரர்கள் வாழ்வில் பல ஏற்றத்தாழ்வுகளை சந்திக்க நேரிடும். இக்காலத்தில் உங்கள் கடின உழைப்பு முற்றிலும் பலனளிக்காது.

இந்த காலத்தில் பணமிழப்பு ஏற்படலாம். பேசும் போது வாரத்தைகளை கவனித்து பேச வேண்டும். ஆரோக்கியத்தைப் பொறுத்தவரை, சரும அழற்சி போன்ற பிரச்சனைகளை சந்திக்கக்கூடும். எனவே ஆரோக்கியத்தைக் கவனித்துக் கொள்வது நல்லது.

இக்காலத்தில் மேற்கொள்ளும் பயணங்கள் நன்மை பயக்கக்கூடியவையாக இருக்காது. தனிப்பட்ட வாழ்க்கையைப் பொறுத்தவரை, உங்கள் தகவல் தொடர்பு, ராஜதந்திர நடத்தை போன்றவை குடும்ப உறுப்பினர்கள், சமூகத்தில் உள்ளவர்களின் இதயங்களை வெல்ல உதவும். முக்கியமாக இக்காலத்தில் உங்கள் மாமியாரிடமிருந்து பரிசுகளும், ஆதரவும் கிடைக்கும்.

சிம்மம்: சிம்ம ராசியின் 2 மற்றும் 11 ஆவது வீட்டின் அதிபதியான புதன், 7 ஆவது வீட்டிற்கு செல்கிறார்கள். இந்த மாற்றம் இந்த ராசிக்காரர்களுக்கு சாதகமான முடிவுகளைத் தரப்போகிறது. புதனின் இட மாற்றத்தால், நல்ல வருமானம் கிடைக்கும் மற்றும் வணிக கூட்டாண்மை பலனளிக்கும்.

மேலும் வணிகத்தின் விரிவாக்கம் இருக்கும். இருப்பினும் இக்காலத்தில் புதிய கூட்டாண்மை மற்றும் வேலைகள் தொடங்குவதைத் தவிர்க்கவும்.

மேலும் இக்காலத்தில் உங்கள் தொடர்ச்சியான முயற்சிகள் காரணமாக, உங்களின் வணிகம் வளர்ந்து வரும்.

இக்காலத்தில் புதிய முயற்சியை தொடங்க நினைத்தால், அதற்கு இது சரியான காலம். ஏனெனில் அதிர்ஷ்டம் உங்கள் பக்கம் உள்ளதால், எதை தொடங்கினாலும் வெற்றி காண்பீர்கள்.

திருமணமானவர்களுக்கு இக்காலம் கொஞ்சம் சவால் நிறைந்ததாக இருக்கும். எனவே உங்கள் மற்றும் உங்கள் வாழ்க்கைத் துணையின் ஆரோக்கியத்தில் கூடுதல் அக்கறை எடுத்துக் கொள்ளுங்கள்.

மேலும் இக்காலத்தில் ஈகோ மற்றும் ஆதிக்கத்தைத் தவிர்த்து, உங்கள் உணர்வுகளை வெளிப்படுத்துவது நல்லது.

கன்னி: கன்னி ராசியின் 10 ஆவது வீட்டின் அதிபதியான புதன், 6 ஆவது வீட்டிற்கு செல்கிறார். இதனால் இக்காலத்தில் உங்களுக்கும் உங்கள் மனைவிக்கும் இடையிலான தூரம் அதிகரிக்க வாய்ப்புள்ளது.

ஆரோக்கியமாக இருப்பதற்கு, சீரான உணவு மற்றும் தியானம் போன்றவற்றை மேற்கொள்ள அறிவுறுத்தப்படுகிறது. இக்காலத்தில் செலவுகள் அதிகரிக்கக்கூடும்.

இது உங்களின் மன அழுத்தம் மற்றும் பதற்றத்தை அதிகரிக்கலாம். இக்காலத்தில் நீங்கள் செய்யும் சிறு தவறும் உங்களை பெரிய சிக்கலில் சிக்க வைக்கும். எனவே கவனமாக இருங்கள்.

தொழில் முன்னணியில், வேலையில் சாதகமான முடிவுகளைப் பெறுவீர்கள். உங்களின் முயற்சிகள் நீண்ட கால இலக்குகளை அடைய உதவும்.

அதோடு, பணியில் இருக்கும் உயர் அதிகாரிகள் மற்றும் சக ஊழியர்களிடமிருந்து பாராட்டுக்கான வாய்ப்புகளும் அதிகம். இக்காலத்தில் உங்கள் எதிரிகள் உங்களை சிக்கலில் சிக்க வைக்கலாம்.

எனவே வாக்குவாதத்தில் ஈடுபடவோ அல்லது சண்டை போடவோ வேண்டாம் என அறிவுறுத்தப்படுகிறது. ஒட்டுமொத்தமாக, இக்காலம் உங்களுக்கு ஓரளவாகத் தான் இருக்கும்.

துலாம்: துலாம் ராசியின் 9 ஆவது மற்றும் 12 ஆவது வீட்டின் அதிபதியான புதன், 5 ஆவது வீட்டிற்கு செல்கிறார். உங்கள் வருமானம் அதிவேகமாக அதிகரிக்கும் என்பதால் இக்காலம் உங்களுக்கு அருமையாக இருக்கும்.

உங்கள் திட்டங்கள் எந்த தடையும் இல்லாமல் முன்னேறும். தனிப்பட்ட வாழ்க்கையைப் பொறுத்தவரை, இந்த காலம் காதலர்களுக்கு சாதகமானதாக இருக்கும்.

திருமணமானவர்கள் துணையுடன் பயணம் மேற்கொள்ளலாம். உறவில் இருப்பவர்கள் வெற்றிகரமாக திருமணம் செய்ய சாதகமான காலம்.

நிதி ரீதியாக, இக்காலம் உங்களுக்கு சாதகமாக இருக்கும். அதிர்ஷ்டம் உங்கள் பக்கம் இருப்பதால், பொருத்தமான முதலீட்டைச் செய்வீர்கள். ஆரோக்கியத்தைப் பொறுத்தவரை, இக்காலம் உங்களுக்கு சாதகமாக இருக்கும்.

ஆனால், தினமும் உடற்பயிற்சி செய்ய அறிவுறுத்தப்படுகிறது. மொத்தத்தில், வாழ்க்கையின் அனைத்து அம்சங்களிலும் நம்பிக்கைக்குரிய முடிவுகளை பெறுவீர்கள்.

விருச்சிகம்: விருச்சிக ராசியின் 8 மற்றும் 11 ஆவது வீட்டின் அதிபதியான புதன், 4 ஆவது வீட்டிற்கு இடம் பெயர்கிறார்.

இக்காலத்தில் பல லாபகரமான வாய்ப்புக்களைப் பெறுவீர்கள். உங்களின் கடின உழைப்பு மற்றும் முயற்சியில் நம்பிக்கை வைத்திருங்கள்.

சொத்து தொடர்பான பரிவர்த்தனைகள் நல்ல லாபத்தைத் தரக்கூடியதாக இருக்கும். இருப்பினும் இதுப்போன்ற தருணங்களில் மிகவும் எச்சரிக்கையாக இருங்கள். குடும்பச் சூழல் மிகவும் சந்தோஷமாக இருக்கும். மேலும் குடும்பம் ஒன்றிணைவதற்கு ஒரு வாய்ப்பு இருக்கக்கூடும்.

நிதி ரீதியாக இந்த காலம் உங்களுக்கு நன்மை பயக்கும் என்பதால் வருமானம் அதிகரிக்கும்.

ஆரோக்கியத்தைப் பொறுத்தவரை, சந்தோஷத்தில் திடீர் ஏற்ற இறக்கங்கள் ஏற்படக்கூடும் என்பதால், ஆரோக்கியத்தைக் கவனித்துக் கொண்டிருங்கள். முக்கியமாக இக்காலத்தில் மன அழுத்தம் உருவாவதற்கு வாய்ப்புள்ளது.

தனுசு: தனுசு ராசியின் 7 மற்றும் 10 ஆவது வீட்டின் அதிபதியான புதன், 3 ஆவது வீட்டிற்கு செல்கிறார். இந்த காலகட்டத்தில், உங்கள் கூட்டாண்மை வணிகத்தில் ஏற்றம் இருக்கும்.

இந்த காலம் உங்கள் நிதிக்கு ஏற்றது. உங்கள் உடன்பிறப்புகளுடன் ஆனந்தமான நேரத்தை செலவிடுவீர்கள்.

மேலும் இக்காலத்தில் நீங்கள் பயணம் மேற்கொள்வதற்கான வாய்ப்புக்கள் உள்ளது. இது உங்களுக்கு மகிழ்ச்சியையும் செல்வத்தையும் தரும்.

ஆனால் நீங்கள் மேற்கொள்ளும் பயணங்களின் போது எச்சரிக்கையாக இருக்க அறிவுறுத்தப்படுகிறது. உங்கள் உறவினர்களுடனான உறவை அதிகரிக்க இது ஒரு சிறந்த நேரம்.

இந்த காலத்தில் அதிர்ஷ்டம் உங்கள் பக்கத்தில் உள்ளது. ஆரோக்கியத்தைப் பொறுத்தவரை, இக்காலத்தில் ஆரோக்கியம் சிறப்பாக இருக்கும். இருப்பினும் ஆரோக்கியத்தின் மீது ஒரு கண் வைத்திருக்க அறிவுறுத்தப்படுகிறது.

மகரம்: மகர ராசியின் 6 மற்றும் 9 ஆவது வீட்டின் அதிபதியான புதன், 2 ஆவது வீட்டிற்கு செல்கிறார். இக்காலத்தில் உங்கள் புத்திசாலித்தனத்தால், அனைவரையும் கவர்ந்திழுப்பீர்கள். உங்களின் அதிர்ஷ்டத்தால் இக்காலத்தில் அதிகபட்ச நன்மைகளைப் பெறுவீர்கள்.

இது உங்கள் நிதியையும் நம்பிக்கைக்குரிய திறன்களையும் அதிகரிக்க உதவும். உண்ணும் உணவில் கவனமாக இருங்கள்.

இல்லாவிட்டால், அது உங்கள் ஆரோக்கியத்தை பாதிக்கும். இக்காலத்தில் குடும்ப உறுப்பினர்களின் ஆரோக்கியத்தையும் கவனித்துக் கொள்ளுங்கள்.

அரசாங்கத் தேர்வுகளுக்குத் தயாராகும் மாணவர்கள், இந்த போக்குவரத்தின் போது நல்ல மதிப்பெண்களுடன் தேர்ச்சி பெறுவார்கள்.

கும்பம்: கும்ப ராசியின் 5 மற்றும் 10 ஆவது வீட்டின் அதிபதியான புதன், முதல் வீட்டிற்கு செல்கிறார். இதனால் குடும்பம் மற்றும் நண்பர்களின் உறவுகள் முன்பை விட வலுவாக இருக்கும்.

இக்காலத்தில் நீங்கள் சில சிக்கல்களை சந்திக்க நேரிடும் என்பதால் ஆரோக்கியத்தைக் கவனித்துக் கொள்ளுங்கள்.

மேலும் இக்காலத்தில் உங்களுக்கு சில நல்ல லாபங்கள் கிடைக்கும். இருப்பினும், செலவுகளின் மீது கட்டுப்பாட்டை வைத்திருங்கள். இதனால் நீங்கள் உங்கள் இலக்கை எளிதில் அடைவீர்கள். கூட்டாண்மை வணிகத்தைக் கொண்டவர்கள் இடையேயான பிணைப்பு வலுவாக இருக்கும்.

ஆனால் பரபரப்பான கால அட்டவணை காரணமாக, உங்கள் ஆரோக்கியத்தை புறக்கணிக்க தவறாதீர்கள். ஒட்டுமொத்தமாக, இக்காலம் உங்களுக்கு சாதகமாக இருக்கும்.

மீனம்: மீன ராசியின் 4 மற்றும் 7 ஆவது வீட்டின் அதிபதியான புதன் 12 ஆவது வீட்டிற்கு செல்கிறார். இந்த காலகட்டத்தில், நீங்கள் ஆடம்பரத்தை நோக்கிச் செல்வீர்கள், வாழ்க்கையில் ஆடம்பரமான விஷயங்களை விரும்புவீர்கள்.

இந்த காலத்தில் நீங்கள் ஒரு பயணத்தை மேற்கொள்ள அதிக வாய்ப்புகள் உள்ளன.

வாழ்க்கைத் துணையுடன் சில தவறான புரிதல்களுக்கான வாய்ப்புகளும் உள்ளன, எனவே உங்கள் துணையுடன் அமைதியாகவும், பணிவுடனும் நடந்து கொள்ளுங்கள்.

சொத்து தொடர்பான விஷயங்களிலிருந்து விலகி இருங்கள். அதற்கு பதிலாக உங்கள் குடும்பத்துடன் சில தரமான நேரத்தை செலவிட முயற்சிக்கவும்.

ஆரோக்கியத்தைப் பொறுத்தவரை, உங்களுக்கு அல்லது உங்கள் குடும்ப உறுப்பினர் யாரேனும் ஒருவருக்கு ஆரோக்கிய பிரச்சனைகள் ஏற்படலாம் என்பதால் ஆரோக்கியத்தை சரியாக கவனித்துக் கொள்ளுங்கள்.

ஏற்றுமதி மற்றும் இறக்குமதியில் ஈடுபடுபவர்களுக்கு இக்காலம் சாதகமாக இருக்கும். வணிகத் துறைகளில் இருப்பவர்கள் கவனமாக இருக்க அறிவுறுத்தப்படுகிறார்கள். ஒட்டுமொத்தமாக இந்த மாற்றம் உங்களுக்கு சராசரியாக இருக்கும்.

உங்கள் கருத்துகளை இங்கே பதிக:

Previous articleJune 26 வரலாற்றில் இன்றைய நாள் நிகழ்வுகள் – Today Special Historical Events In Tamil June 26
Next articleஇன்றைய ராசி பலன் 11.03.2021 Today Rasi Palan 11-03-2021 Today Tamil Calendar Indraya Rasi Palan!