இன்று 07-05-2022 சித்திரை மாதம் 24ம் நாள் சனிக்கிழமை ஆகும். இன்று சஷ்டி திதி பகல் 02.57 வரை பின்பு வளர்பிறை சப்தமி. இன்று புனர்பூசம் நட்சத்திரம் பகல் 12.18 வரை பின்பு பூசம். இன்றைய நாள் முழுவதும் சித்தயோகம். இன்று நேத்திரம் – 1. ஜீவன் – 1/2. சஷ்டி விரதம். இன்றைய தினம் முருக வழிபாடு செய்வது நல்லது.
இராகு காலம்: காலை 09.00-10.30, எம கண்டம்: மதியம் 01.30-03.00, குளிகன்: காலை 06.00-07.30, சுப ஹோரைகள்: காலை 07.00-08.00, பகல் 10.30-12.00, மாலை 05.00-07.00. இரவு 09.00-10.00.
மேஷம் ராசிபலன்:
இன்று உடல் ஆரோக்கியத்தில் சிறு பாதிப்புகள் உண்டாகலாம். உறவினர்களுடன் சிறுசிறு மன சஞ்சலங்கள் ஏற்படும். கொடுக்கல் வாங்கலில் கவனம் தேவை. வேலையில் மேலதிகாரிகளின் ஆதரவு கிட்டும். வியாபாரத்தில் கூட்டாளிகளை அனுசரித்து செல்வதன் மூலம் அனுகூலத்தை அடையலாம்.
ரிஷபம் ராசிபலன்:
இன்று எந்த செயலையும் துணிவோடு செய்து முடிப்பீர்கள். வேலையில் சக ஊழியர்களின் ஒத்துழைப்பு இருக்கும். சுப முயற்சிகளில் இருந்த தடைகள் விலகி நல்ல செய்தி கிடைக்கும். வருமானம் பெருகுவதற்கான வாய்ப்புகள் ஏற்படும். நவீன பொருட்கள் வாங்குவதில் ஆர்வம் அதிகரிக்கும்.
மிதுனம் ராசிபலன்:
இன்று உறவினர்கள் வருகையால் குடும்பத்தில் செலவுகள் அதிகமாகும். பிள்ளைகளின் படிப்பில் ஆர்வம் குறையும். அனுபவமுள்ளவர்களின் ஆலோசனைகள் தொழில் வளர்ச்சிக்கு பெரிதும் உதவும். வேலையில் உடனிருப்பவர்களை அனுசரித்து செல்வதன் மூலம் வீண் பிரச்சினைகளை தவிர்க்கலாம்.
கடகம் ராசிபலன்:
இன்று பிள்ளைகள் வழியாக சுபசெய்திகள் வந்து சேரும். உடன் பிறந்தவர்களோடு இருந்த கருத்து வேறுபாடுகள் நீங்கி ஒற்றுமை கூடும். உத்தியோகத்தில் மன மகிழும் மாற்றங்கள் ஏற்படும். நவீன பொருட் சேர்க்கை உண்டாகும். சுபகாரியங்கள் கைகூடும். எதிலும் சுறுசுறுப்பாக செயல்படுவீர்கள்.
சிம்மம் ராசிபலன்:
இன்று குடும்பத்தில் மனம் மகிழும் நிகழச்சிகள் நடைபெறும். உடன் பிறந்தவர்களால் அனுகூலம் உண்டாகும். உறவினர்கள் வழியில் சுபசெய்திகள் வரும். தேக ஆரோக்கியம் சிறப்பாக இருக்கும். ஆடம்பர பொருட்களை வாங்குவீர்கள். தொழில் ரீதியாக உள்ள நெருக்கடிகள் குறையும்.
கன்னி ராசிபலன்:
இன்று வீட்டில் சுப நிகழ்வுகள் நடைபெறும். வேலையில் மேலதிகாரிகளின் பாராட்டுதல்கள் கிடைக்கும். குடும்ப தேவைக்கேற்றவாறு வருமானம் பெருகும். வியாபாரத்தில் கூட்டாளிகள் ஆதரவாக இருப்பார்கள். புதிய நட்பு மன ஆறுதலை தரும். அசையா சொத்துக்களால் அனுகூலம் உண்டாகும்.
துலாம் ராசிபலன்:
இன்று எடுக்கும் முயற்சிகள் அனைத்திலும் வெற்றி கிட்டும். குடும்பத்தில் சந்தோஷம் அதிகரிக்கும். பெற்றோரின் அன்பை பெறுவீர்கள். வேலையில் சக ஊழியர்களிடம் சுமூக உறவு ஏற்படும். தொழில் வியாபாரத்தில் கூட்டாளிகளின் ஒத்துழைப்போடு எதையும் தைரியத்துடன் எதிர்கொள்வீர்கள்.
விருச்சிகம் ராசிபலன்:
இன்று கடின உழைப்பால் மட்டுமே உங்களது செயல்களில் வெற்றி காண முடியும். குடும்பத்தில் விட்டு கொடுத்து சென்றால் பிரச்சினைகளை தவிர்க்கலாம். உறவினர்கள் உதவியாக இருப்பார்கள். நண்பர்களின் சந்திப்பு மனநிம்மதியை தரும். சுபகாரிய முயற்சிகளில் முன்னேற்றம் ஏற்படும்.
தனுசு ராசிபலன்:
இன்று நீங்கள் மனக்குழப்பத்துடன் காணப்படுவீர்கள். உங்கள் ராசிக்கு சந்திராஷ்டமம் இருப்பதால் செய்யும் செயல்களில் தடைகள் உண்டாகும். அடுத்தவர்களை நம்பி எந்த காரியத்திலும் ஈடுபடாமல் இருப்பது நல்லது. பண விஷயத்தில் கவனம் தேவை. பயணங்களை தவிர்ப்பது உத்தமம்.
மகரம் ராசிபலன்:
இன்று வேலையில் உற்சாகத்துடன் செயல்படுவீர்கள். பெரிய மனிதர்களின் சந்திப்பால் நல்லது நடைபெறும். பிள்ளைகள் படிப்பில் அதிக ஆர்வம் காட்டுவார்கள். வெளியூர் பயணங்களால் தொழிலில் நல்ல மாற்றங்கள் உண்டாகும். பூர்வீக சொத்து ரீதியான விஷயங்களில் நல்ல செய்தி கிடைக்கும்.
கும்பம் ராசிபலன்:
இன்று குடும்பத்தில் ஒற்றுமை நிலவும். உறவினர்கள் உங்களின் வளர்ச்சிக்கு உறுதுணையாக இருப்பார்கள். எதிர்பார்த்த இடத்திலிருந்து உதவிகள் கிடைக்கும். பொன் பொருள் வாங்கும் யோகம் உண்டாகும். புதிய தொழில் நுட்பங்களை பயன்படுத்தி தொழிலில் நல்ல முன்னேற்றம் அடைவீர்கள்.
மீனம் ராசிபலன்:
இன்று வரவை விட செலவுகள் அதிகமாக இருக்கும். நண்பர்களுடன் கருத்து வேறுபாடுகள் தோன்றும். தொழிலில் கூட்டாளிகளால் மனசங்கடங்கள் உண்டாகலாம். உடனிருப்பவர்களை அனுசரித்து செல்வது நல்லது. உற்றார் உறவினர்கள் வழியில் அனுகூலங்கள் உண்டாகும்.
