இன்றைய பஞ்சாங்கம் 22-12-2019,
மார்கழி 06, ஞாயிற்றுக்கிழமை,
ஏகாதசி திதி மாலை 03.22 வரை பின்பு தேய்பிறை துவாதசி.
சுவாதி நட்சத்திரம் மாலை 06.37 வரை பின்பு விசாகம்.
சித்தயோகம் மாலை 06.37 வரை பின்பு மரணயோகம்.
நேத்திரம் – 1. ஜீவன் – 1/2. ஏகாதசி.
பெருமாள்- லஷ்மி நரசிம்மர் வழிபாடு நல்லது.
கரி நாள். சுபமுயற்சிகளை தவிர்க்கவும்.
இராகு காலம் – மாலை 04.30 – 06.00,
எம கண்டம் – பகல் 12.00 – 01.30,
குளிகன் – பிற்பகல் 03.00 – 04.30,
சுப ஹோரைகள் – காலை 7.00 – 9.00, பகல் 11.00 – 12.00 ,
மதியம் 02.00 – 04.00, மாலை 06.00 – 07.00, இரவு 09.00 – 11.00,
இன்றைய ராசிப்பலன் – 22.12.2019
மேஷம்: திருமண முயற்சிகளில் நல்ல அனுகூலமான பலன்கள் கிடைக்கும். பழைய நண்பர்களின் சந்திப்பு மனதிற்கு மகிழ்ச்சியை கொடுக்கும். பிள்ளைகள் ஆர்வத்துடன் படிப்பார்கள். வியாபாரத்தில் புதிய கூட்டாளிகள் இணைவார்கள். இன்று உடன் பிறந்தவர்கள் வாயிலாக சுபசெய்திகள் வந்து சேரும்.
ரிஷபம்; சகோதர சகோதரிகளிடம் ஒற்றுமை கூடும். இன்று பணவரவு தாராளமாக இருக்கும். திருமண முயற்சிகள் தொடங்க அனுகூலமான நாளாகும். பிள்ளைகளின் ஆரோக்கியத்தில் நல்ல முன்னேற்றம் ஏற்படும். புதிய பொருட்கள் வாங்குவீர்கள். பூர்வீக சொத்துக்களால் அனுகூலமான பலன்கள் கிடைக்கும்.
மிதுனம்: சிக்கனமாக செயல்படுவதன் மூலம் பண பற்றாக்குறையை தவிர்க்கலாம். இன்று பணவரவு சுமாராக இருக்கும்.உடன் பிறந்தவர்கள் உதவியாக இருப்பார்கள். உடல் ஆரோக்கியத்தில் சிறு பாதிப்புகள் ஏற்படும். வியாபாரத்தில் எதிர்பார்த்த லாபம் கிடைக்கும். தெய்வ வழிபாடு நிம்மதியை தரும்.
கடகம்: பிள்ளைகளுக்கு வயிறு சம்மந்தப்பட்ட உபாதைகள் உண்டாகும். குடும்பத்தில் இதுவரை இருந்த பிரச்சினைகள் சற்று குறைந்து அமைதி நிலவும். எடுக்கும் முயற்சிகளில் சில இடையூறுகள் ஏற்படலாம். இன்று குடும்பத்தில் மருத்துவ செலவுகள் ஏற்படும். சற்று கவனத்துடன் செயல்பட்டால் வெற்றி பெறுவீர்கள்.
சிம்மம்: பெரியவர்களின் ஆறுதல் வார்த்தைகள் மனதிற்கு மகிழ்ச்சியை அளிக்கும். இன்று பிள்ளைகளால் சுப செலவுகள் ஏற்படலாம். பெற்றோரின் அன்பை பெறுவீர்கள். வீட்டில் பெண்களுக்கு பணி சுமை ஓரளவு குறையும். உறவினர்களால் குடும்பத்தில் மகிழ்ச்சிகரமான நிகழ்ச்சிகள் நடைபெறும்
கன்னி: பொறுமையை கடை பிடிப்பதன் மூலம் பிரச்சினைகளை தவிர்க்கலாம். இன்று பணவரவு தாரளமாக இருந்தாலும் அதற்கேற்ப செலவுகளும் உண்டாகும். நண்பர்களால் மன அமைதி சற்று குறையும். மனைவி வழி உறவினர்கள் மூலம் உதவிகள் கிடைக்கும். சுப முயற்சிகளில் தடைகள் ஏற்படலாம்.
துலாம்: வருமானம் லாபகரமாக இருக்கும். இன்று இல்லம் தேடி இனிய செய்திகள் வந்து சேரும். பிள்ளைகளால் சுபசெலவுகள் உண்டாகும். தொழில் வளர்ச்சிக்காக புதிய திட்டங்கள் போட்டு வெற்றி அடைவீர்கள். சேமிப்பு பெருகும். எதிர்பார்த்த இடத்திலிருந்து உதவிகள் தாமதமின்றி கிடைக்கும்.
விருச்சிகம்: உடன்பிறந்தவர்கள் உதவியாக இருப்பார்கள். உடல் ஆரோக்கியத்தில் சிறு உபாதைகள் தோன்றி மறையும். இன்று எந்த ஒரு செயலிலும் பிடிப்பு இல்லாமல் செயல்படுவீர்கள். எதிர்பார்த்த உதவிகள் கிடைப்பதில் காலதாமதம் ஏற்படும். வியாபாரத்தில் லாபம் சுமாராக இருக்கும். தேவைகள் பூர்த்தியாகும்.
தனுசு: குடும்பத்தில் இருந்த பிரச்சினைகள் விலகும். இன்று எடுக்கும் முயற்சிகளில் எல்லாம் வெற்றி உண்டாகும். பெண்களின் நீண்ட நாள் ஆசைகள் நிறைவேறும். வியாபாரத்தில் கொடுக்கல் வாங்கல் திருப்திகரமாக இருக்கும். உறவினர்கள் வருகையால் இல்லத்தில் மகிழ்ச்சி அதிகரிக்கும்.
மகரம்: குடும்பத்தோடு தெய்வ தரிசனத்திற்காக வெளியூர் பயணம் செல்லும் வாய்ப்பு அமையும். இன்று உங்களுக்கு புது நம்பிக்கையும், தெம்பும் உண்டாகும். உடல்நிலை சீராகும். புதிய சொத்துக்கள் வாங்குவதில் ஆர்வம் உண்டாகும். குடும்பத்தில் பிள்ளைகளுடன் இருந்த கருத்து வேறுபாடுகள் நீங்கும்.
கும்பம்: கடன் பிரச்சினை தீரும். இன்று பிள்ளைகளால் சுபசெய்திகள் கிடைக்கப்பெற்று மனமகிழ்ச்சி அடைவீர்கள்.பெற்றோரிடம் இருந்த மனஸ்தாபங்கள் விலகும். குடும்பத்தில் செலவுகள் கட்டுகடங்கி இருக்கும். நண்பர்கள் மூலம் எதிர்பார்த்த உதவிகள் கிடைக்கும். புதிய பொருட்களை வாங்கி மகிழ்வீர்கள்.
மீனம்: எதிலும் கவனம் தேவை. அறிமுகம் இல்லாத நபர்களிடம் தேவையில்லாமல் பேசுவதை தவிர்ப்பது உத்தமம். இன்று உங்கள் ராசிக்கு சந்திராஷ்டமம் இருப்பதால் வியாபாரத்தில் பெரிய தொகையை முதலீடு செய்யாமல் இருப்பது நல்லது. வாகனங்களில் செல்லும் பொழுது எச்சரிக்கை வேண்டும்.
