மூக்கின் மீது ஏற்படும் பிளாக் ஹெட்ஸ் தடுப்பதற்கான வழிமுறைகள் ! மூக்கு பராமரிப்பு blackheads!

0
351



1.மூக்கு மேல ப்ளாக்ஹெட்ஸ் இருக்கா?

மூக்கும் முழியுமாக பெண் இருக்கிறாள் என்பார்கள். அந்த அளவிற்கு முகத்தின் அழகிற்கு மூக்கு மிக முக்கியமானதாக இருக்கிறது. ஆனால் ஒரு சிலர் மூக்கினை கவனிக்காமல் விட்டு விடுகிறார்கள். இதனால் முகத்தில் தேவையற்ற அழுக்குகள் படிந்து கரும்புள்ளிகள் ஏற்பட்டு அசிங்கமாவிடும். இது முகத்தின் மொத்த அழகையும் கெடுத்துவிடும். எனவே மூக்கினை பராமரிக்க எளிய ஆலோசனைகளை கூறுகின்றனர் அழகியல் நிபுணர்கள்.

மூக்கின் பராமரிப்பு மிகவும் எளிது. வீட்டில் செய்து கொள்ளும் வழக்கமான பேஷியல் கூட போதும்.மூக்கில் ஏற்படும் முக்கிய பிரச்சனை பிளாக் ஹெட்ஸ்தான். சிலருக்கு ஒயிட் ஹெட்ஸும் காணப்படும். அதிக எண்ணெய் உணவுகளை எடுத்துக் கொள்பவர்களுக்கும், எண்ணெய்ப்பசை சருமம் உள்ளவர்களுக்கும் பிளாக் ஹெட்ஸ் அதிகம் காணப்படும். நார்மல், ட்ரை ஸ்கின் உள்ளவர்களுக்கு இந்த பிரச்சினை குறைவு.

2.மூக்கிற்கு மசாஜ்:

முகம் அழகாக இருந்து மூக்கு மட்டும் பிளாக் ஹெட்ஸுடன் இருந்தால் சிரமமாக இருக்கும். எனவே மூக்கின் பிரச்சினையை தீர்க்க முறையான கவனிப்பு அவசியம். நாள்பட்ட பிளாக் ஹெட்ஸுக்கு மிகவும் சரியான சிகிச்சை, ஆவி பிடித்தல் தான். வீட்டிலேயே பேஷியலுக்கு செய்வதுபோல் எண்ணெய்ப் பசை உள்ள நல்ல பேஸ் மசாஜ் க்ரீமை மூக்கிற்கு நன்றாக தடவி, மசாஜ் செய்ய வேண்டும்.மூக்கில் பிளாக் ஹெட்ஸ் உள்ளவர்கள், விரல்களால் மூக்கின் பக்க வாட்டிலும், நுனியிலும் அதிக நேரம் மசாஜ் செய்ய வேண்டும். பிறகு ஒரு பாத்திரத்தில் கொதித்த நீரை ஊற்றி, நன்றாக வேர்க்கும்வரை ஆவி பிடிக்க வேண்டும்.

இப்போது வெளிச்சமான இடத்தில் அமர்ந்து, கண்ணாடியைப் பார்த்து பிளாக் ஹெட்ஸ் இருக்கும் இடங்களில் பிளாக் ஹெட் ரிமூவரால் (பேஷியல் கிட்டில் இருக்கும். கிடைக்காவிட்டால் ஸ்டெரிலைஸ் செய்த டீஸ்பூனின் முனை கொண்டு நீக்கலாம்) மெதுவாக அழுத்த வேண்டும். வெளியே வேரோடு வரும் பிளாக் ஹெட்ஸை டிஷ்யூவால் துடைத்து எடுத்துவிடுங்கள். இப்படியே மூக்கில் உள்ள பிளாக், ஒயிட் ஹெட்ஸ் முழுதுமாக அகற்றி விடலாம். இப்போது குளிர்ந்த நீரால் மூக்கினை நன்றாக கழுவினால் போதும். இந்த ட்ரீட்மெண்ட் செய்யும் முன்பு முகத்திற்கு ஸ்க்ரப் போடுவதென்றாலும் போடலாம். ஆனால் ட்ரீட்மெண்ட் செய்த பிறகு ஸ்க்ரப்பிங் கூடாது.

3.பிளாக் ஹெட்ஸ் நீக்கம்:

கடைகளில் விற்கும் பிளாக் ஹெட்ஸ் ரீமூவல் ஸ்ட்ரிப்ஸ் அதிக நாட்களாக இருக்கும் பிளாக் ஹெட்ஸை முழுதுமாக நீக்காது. ஏனென்றால் நாள்பட்ட பிளாக் ஹெட்ஸ் மிகவும் அழுத்தமாக இருக்கும். எளிதாக ஸ்ட்ரைப்ஸ் மூலம் நீக்க முடியாது. எனவே ஸ்ட்ரைப்ஸை (ஒரு முறை பிளாக் ஹெட்ஸை முழுதும் நீக்கிவிட்டு) வழக்கமான பராமரிப்புக்கு மாதம் ஒரு முறை என்று உபயோகிக்கலாம்.

வழக்கமாக வாரம் ஒரு முறை முகத்தினை ஸ்க்ரப் செய்யும்போது மூக்கு பகுதியில், பக்கவாட்டில் மசாஜ் செய்தாலே ஒயிட் ஹெட்ஸ் வராது.மூக்கின் உள்ளே ஒரு சிலருக்கு அதிகமாக முடிகள் இருந்து, வெளியில் லேசாக எட்டிப் பார்க்கும். இதுவும் அழகை கெடுக்கிற விஷயம்தான். சின்னதாக புருவத்தை ட்ரிம் செய்ய உதவும் கத்தரிக்கோலை கொண்டு லேசாக ட்ரிம் செய்துவிடலாம். இதற்கென்று பிரத்யேகமான கத்தரிக்கோலும் கடைகளில் கிடைக்கும். இந்த தொல்லைகள் பொதுவாக 40 வயதை தாண்டியவர்களுக்கு அதிகம் இருக்கும்.

4.குளிக்கும் போது கவனம்:

பெரும்பாலான பெண்களுக்கு மூக்கின் மீது சில வெண்ணிற திசுக்கள் வெளிவரும். இதனை நகங்களால் சுரண்டி பெரிய வடுக்களை ஏற்படுத்தி விடுவார்கள். மூக்கின் இரண்டு பக்கத்திலும் நமது நகங்கள் பட்டு பட்டு கருநிறமே வந்திருக்கும். கடைகளில் இதற்கென்று சில பொருட்கள் விற்கப்படுகின்றன. ஆனால் அதெல்லாம் வேலைக்கு ஆகாது என்று எல்லோருக்கும் தெரியும்.

குளிக்கும் போது மூக்கின் மீது சோப்பினைப் போட்டுவிட்டு அதிகமாக 1 நிமிடம் மூக்கினை சுற்றி சுத்தம் செய்தால் போதும். முக்கியப் பிரச்சினை அகன்று போகும். இதனால் நமது தோலும் எந்த பாதிப்பும் அடையாமல், வர வேண்டிய திசுக்களும் வெளிவந்துவிடும்.தினமும் செய்ய வேண்டாம் ஒரு நாள் விட்டு ஒரு நாள் செய்தால் கூட போதும் மூக்கின் கரும்புள்ளி ஒடியே போய்விடும்.

உங்கள் கருத்துகளை இங்கே பதிக: